«Мемлекеттік тұрғын үй саясаты аясында даму әлеуеті төмен моноқалалардан қоныс аударушыларға арналған жеке бөлім болуы тиіс», деп атап өтті Қасым-Жомарт Тоқаев Екібастұзда өтіп жатқан моноқалаларды дамыту мәселелеріне арналған жиналыста.
Ақорданың Twitter-де жариялаған мәліметіне сәйкес, Президент даму әлеуеті бар моноқалаларға қоныс аударушыларға жеңілдетілген ипотекалық бағдарлама әзірлеу керектігін айтты.
«Отбасы» банкі инструментарийінде мұндай азаматтарға бастапқы жарнасы 10% және сыйақы мөлшерлемесі 2-ден 5%-ға дейін болатын жеңілдетілген ипотека бағдарамасын қарастыруы қажет. Үкімет әкімдіктермен бірге бұл бастаманы жан-жақты пысықтау керек», деді Мемлекет басшысы.
