Аймақтар • 12 Қараша, 2021

Алматыда миллионға жуық адам вакцинаның екі компонентін салдырды

228 рет
көрсетілді
1 мин
оқу үшін

Алматы қаласында бір тәулікте 2578 адам коронавирусқа қарсы вакцина салдырды. Бұл туралы қалалық қоғамдық денсаулық сақтау басқармасы мәлім етті, деп хабарлайды Egemen.kz.

Алматыда миллионға жуық адам вакцинаның екі компонентін салдырды

«11 қараша күні 2578 алматылық вакцина салдырды. Коронавирусқа қарсы екпенің І компонентін – 1 061, II компонентін – 1517 адам алды. Вакцина салдырғандар саны бойынша Алматы қаласы алдыңғы орында. Биылғы жылдың 1 ақпаны мен 11 қараша аралығында қалада 1 008 015 тұрғын вакцинаның бірінші компонентін, 958 538 адам екінші компонентін салдырған. Оның ішінде 121 498 адамның жасы 60-тан асқан»,  деп хабарлады басқармадан.

Қалада 132 пункт жұмыс істеп тұр. 733 адамнан тұратын 205 егу бригадасы бар.

«Қазір медицина ұйымдарында, мектептерде, мәдениет, спорт объектілерінде, базарлар мен қаланың СОСО-да вакцинация пункті жұмыс істейді»,  деп нақтылады денсаулық сақтау басқармасының баспасөз қызметі.