Елбасы • 16 Қараша, 2021

Нұрсұлтан Назарбаев Бауыржан Байбекті қабылдады

312 рет

көрсетілді

1 мин

оқу үшін

Nur Otan партиясының Төрағасы Нұрсұлтан Назарбаев Бауыржан Байбекті қабылдады, деп хабарлайды Egemen.kz.

Гауһар ҚАПАШ

Нұрсұлтан Назарбаев Бауыржан Байбекті қабылдады

Кездесу барысында Нұрсұлтан Назарбаевқа Nur Otan партиясы саяси кеңесінің кеңейтілген отырысына дайындығы баяндалды.

Бауыржан Байбек Елбасына өңірлерге жұмыс сапарларының қорытындылары, сондай-ақ, Nur Otan партиясының мәслихаттардағы фракцияларының сайлауалды бағдарламаларын орындау жөніндегі отырыстарының нәтижелері туралы ақпарат берді.

«Бір жыл ішінде біздің фракция Мәжілісте Үкімет мүшелерінің қатысуымен үш отырыс өткізді. Жұмыс бұрын бекітілген жоспарларға сәйкес жүргізіліп жатыр. Сонымен қатар, 2025 жылға дейінгі «Жастар-Отанға!» бағдарламасы аясында 20 пайыз іс-шара жүзеге асырылды», деді Nur Otan төрағасының бірінші орынбасары.

Байбек «Jastar–Otanga!» халықаралық форумын өткізу нәтижелері, 15 елдің өкілінің қатысуымен халықаралық партия форумын ұйымдастыру жоспарлары туралы айтты.

Нұрсұлтан Назарбаев партияның орталық аппараты мен өңірлік филиалдарына саяси кеңестің кеңейтілген отырысын өткізуге сапалы дайындықты жалғастыруды тапсырды.

Бұған дейін Назарбаев 23 қарашада өтетін партияның саяси кеңесінің кеңейтілген отырысын шақыру туралы Қаулыға қол қойғаны хабарланды.