Орталық Азиядағы оқу бағдарламаларының ықпалдастығы

Халықаралық бағдарлама БҰҰ Сапалы білім және Тұрақты даму мүддесіндегі серіктестік мақ­саттарын орындауда журна­лис­­тік білімді жетілдіру мен жақ­­сартудың жаһандық бастама­сы дайындаған ресурстарды пай­далана отырып дамытуға бағыт­та­лып отыр.

Журналистика және комму­ника­ция саласындағы Тұрақ­ты да­му мақсаттары коммуника­ция­лық жобаларға қолдау көр­сетеді. Сонымен бірге Орта­лық­ Азиядағы журналистика­ университеттерінің зерттеу­ле­рі, ЮНЕСКО-ның оқу бағ­дар­ла­масы, гендерлік ағым және БҰҰ қызметімен үйлестіру жобаның институционалдық негізі болып саналады. Сондай-ақ Баспасөз және электронды БАҚ кафедрасы Қазақстан, Тәжікстан, Өз­бекстан, Қырғызстан уни­версиеттерінде зерттеу журна­листикасындағы деректер бойынша семинарлар ұйымдастырып, ЮНЕСКО-ның нұсқаулықтарын таратып, ресурстарымен бөлісіп, көмек беруді мақсат етеді.

Қазақстандағы жобаның үй­лес­тірушісі Гүлмира Сұлтан­бае­ва­­ның айтуынша, журналистік білім беруде ЮНЕСКО-ның оқу бағ­дарламалары Орталық Азия­ның 55 университетінде қол­даныста. Бүгінде Орталық Азия журналистикасындағы де­ректер журналистикасы интерак­тив­ті графиктер мен визуалды кон­тентті пайдаланудың тиімді құ­ра­лына айналып отыр. Бірақ бұл кезеңде маңызды фактілер мен тарихи деректер жоғалу ық­ти­малдығы басым. Сондықтан журналистік зерттеулер барысында тиімді қолдануға негізделген де­ректер журналистикасы бо­йын­ша ЮНЕСКО-ның оқу бағ­дар­ламасын бейімдеу үшін про­фес­сорлық-оқытушылық құрам мен зерттеушілерді дайындау қа­жеттігі туындап отыр.

Журналистика деректерін пай­даланатын зерттеу журналистикасы Орталық Азия елдерінде әлі жеке жанрға айнала қойған жоқ. Бұл жоба Орталық Азия ай­мағындағы 19 университеттің жур­налистика факультеттерінде де­ректер журналистикасы бойын­ша бі­лім сапасын жақсартуға ықпал етеді әрі зерттеу журналис­ти­касының тиімділігін арттырады. Ұсынылып отырған жоба ЮНЕСКО-ның зерттеу журналистикасы оқу бағдарламасын, Орталық Азия елдерінде білім беру, гендерлік, денсаулық сақ­тау салалары бойынша журна­лис­тік зерттеу жүргізу үшін ин­теграциялауға және бейімдеу­ге бағытталған. Журналистика жә­не коммуникация саласын­да­ғы тұрақты даму мақсаттары­на қол жеткізуге Орталық Азия уни­верситеттері журналистика және коммуникация қауым­дас­тығының мүшелері болып та­былатын журналистика факуль­тет­терінің ғалымдары үлес қо­сатын болады. Әл-Фараби атын­дағы ҚазҰУ-да 2019 жылдан­ бері инновациялық «Data-жур­на­листика» және Ыстанбұл уни­верситетімен қосдипломдық «Big Data және журналистика» магистрлік білім беру бағ­дар­ламалары оқытылып келеді.

Орталық Азия университет­тері IPDC журналистік білім бе­­рудегі озық тәжірибелер негі­зінде жа­һандық бастамаға сәйкес деректер журналистикасы бо­йынша білім сапасын арттыру мүмкіндігін береді. Дата журна­листика саласында халықара­лық және ұлттық мамандардың қаты­суы­мен аталған университеттерде оқу жоспарын әзірлеуге ар­нал­ған тренингтер Алматы, Ду­­шан­­бе, Таш­кент және Біш­кек қа­­лаларында өтетіндігі жоспар­ланған. Жаңа білімді, біліктілік­ті игеруге ба­ғытталған тернинг­­тер нәтиже­сінде қатысушы ел­дер ара­сында тәжірибе алмасу мен же­тіл­діру басты нәтиже саналады.

ЮНЕСКО-ның журналис­терге білім беруге арналған «Де­ректер журналистикасы бо­йын­ша курсының» жаңа басылымы Ор­талық Азиядағы ұлттық журналистика және коммуникация университеттерінің білім беру үрдісіне ықпалдастыру, өңірлік академиялық ынтымақтастық­ты дамытуға және халықара­лық коммуникацияны дамыту бағдарламаларын тиімді іске асыруға ықпал етеді.

АЛМАТЫ