Еуропа чемпионатына қатысатындардың тізімі жасалды

Жақында 2016 жылы Францияда өтетін Еуропа чемпионаты іріктеу турнирінің жеребе тарту рәсімі өтті.  Бұл туралы Қазақстан футбол федерациясы хабарлады. Шарада 53 елдің ұлттық құрамасы 9 топқа бөлініп, қарсыластарын анықтады.Жеребенің қорытындысы бойынша 8 топта 6 құрама, 1 топта 5 елдің командасы өнер көрсететіні белгілі болды. Енді іріктеудің жаңа шартына сәйкес әр топтан алғашқы екі орынды алған құрамалар тікелей Еуро додасына жолдама алады. Сондай-ақ, өз топтарында үшінші орынды иеленіп, жоғары ұпай алған командалар да Еуропа чемпионатына қатысу мүмкіндігіне ие болады. Ал қалған үшінші орын иеленген 8 ел өзара мықтыны анықтайтын болады. Жалпы, Еуро жарысына 24 елдің ұлттық құрамасы қатысады. Ескерте кететін нәрсе, Франция алаң иесі ретінде іріктеуге қатыспайды. Ал қалған құрамалар мынадай топтарға бөлінді: «А» тобы. Голландия, Қазақстан, Исландия, Латвия, Түркия, Чехия. «В»тобы. Босния және Герцеговина, Андорра, Кипр, Уэльс, Израиль, Бельгия. «С»тобы. Испания, Люксембург, Македония, Беларусь, Словакия, Украина. «D»тобы. Германия, Гибралтар, Грузия, Шотландия, Польша, Ирландия «Е»тобы. Англия, Сан-Марино, Литва, Эстония, Словения,Швейцария. «Ғ»тобы. Грекия, Фарераралы, Солтүстік Ирландия, Финляндия, Румыния, Венгрия. «G» тобы. Ресей, Лихтенштейн,Молдаова, Черногория, Австрия, Швеция. «Н» тобы. Италия, Мальта, Әзербайжан, Армения, Норвегия, Хорватия. «I» тобы. Португалия, Албания, Болгария, Сербия, Дания. Дастан Кенжалин. Дереккөз: www.kff.kz. Фото: www.kff.kz.