Оралдағы қоқыста мыңдаған адам неге жүр?

Батыс Қазақстан облысының Орал қаласындағы қоқыс алаңында мыңға жуық адам жүр. Бұл туралы «Уральская неделя» хабарлады. Осы өңірдегі «Батыс сауда инвест» ЖШС қоймасы өртеніп, сырты бүлінген консервілер әлгі қоқысқа тасталған болатын. Қазір осы жерге күніге мыңға жуық адам келіп, көліктеріне таласа-тармаса консервілерді тиеп, әкетіп жатыр. Араларында тұрмысы жақсы адамдар да бар көрінеді. Осыдан бірер күн бұрын қоқыс алаңына консерві алуға келген әрбір көлік жүргізушісінен күзетші 500 теңге алған екен. Ал қазір көліктегі әрбір адамнан 500 теңге алып жатыр... Әмірхан Алмағанбетов. Дереккөз: «Уральская неделя». Фото: «Уральская неделя».