Биатлоншы Вишневская әлем чемпионатында күміс медаль алды

Қазақстандық Галина Вишневская АҚШ-тың Преск Айл қаласында биатлоннан 7,5 шақырымға жүгіруден өткен жасөспірім қыздар арасындағы әлем чемпионатында күміс медаль жеңіп алды. Бұл туралы Ras.kz хабарлады. Сочиде болып өткен Қысқы Олимпиялық ойындарға қатысқан Вишневская мәреге бұл жолы бірінші орын алған ресейлік Евгения Павловадан бар-жоғы 0,3 секунд қана қалып келді. Чемпионатта одан басқа қазақстандықтар Анастасия Кондратьева – 19-шы, Александра Сасина – 38-ші, Валентина Сауленко 44-ші орынға орналасты. Жарысқа барлығы 47 биатлоншы қатысқан болатын. Жасөспірім жігіттер арасында дәл осындай қашықтыққа жүгіруде америкалық Шон Доэрти бірінші орынға көтерілді. Жалпы айтқанда, қазақстандықтар арасындағы үздігі Роман Еремин жеңімпаздан 38 секунд қалып, көмбе сызығын жетінші болып қиып өтті. Келесі жерлесіміз Владислав Витенко – 10-шы, Андрей Ларионов – 12-ші, ал Владислав Миропольский 36-шы болды. Әмірхан Алмағанбетов. Дереккөз: Ras.kz. Фото: Ras.kz.