«Хабар» үздік арна ретінде таңылды

Жақында ғана Сочи қаласында өткен Олимпиада көрермендерге ерекше әсер қалдырды. Оны еліміз азаматтары «Хабар» телеарнасы арқылы тамашалауға мүмкіндік алғанын жақсы білеміз. Ал  TNS Central Asia-ның зерттеуі бойынша бұл телеарна Сочидегі Ойындарды көрсету бойынша жақсы қырынан таңылған. Осы телеарна мәнерлеп сырғанаушы Денис Теннің жеңісін де көрермендеріне өз мерзімінде көрсете білді. Мұнан өзге, бұл ұжым www. olympic.khabar.kz веб-сайтын ашқан болатын. Zero интернет-статистиканың дерегіне жүгінсек, бұл сайт спорт хабарларын (соның ішінде Сочи Олимпиадасы күнделігін) таратушы үздік бестікке кіріпті. «Хабар» агенттігі алдағы уақытта да спортты тікелей эфир арқылы көрсетуді жалғастыра беретін болады. Әмірхан Алмағанбетов. Дереккөз: «Хабар» агенттігі. Фото: Fanatik.kz.