Кеңес мүшелерімен кездесті

Мемлекет басшысы Нұрсұлтан Назарбаев Халықаралық консультативтік кеңес мүшелерімен кездесті, деп хабарлады Президенттің баспасөз қызметі. Ақордада өткен кездесуге Авс­трия Республикасының экс-федералды канцлері Альфред Гу­зенбауэр, Польшаның экс-президенті Александр Квасьневски, Еуропалық комис­сияның экс-төрағасы әрі Ита­лияның бұрынғы премьер-ми­нистрі Романо Проди қатысты. Әңгімелесу барысында Қа­­зақ­станның экономикалық әлеуе­тін одан әрі іске асы­ру­дың негіз­гі бағыттары, рес­пуб­ликаның халық­аралық бас­та­ма­ларын жүзе­ге асыру барысы, сондай-ақ ЭКСПО-2017 көр­месін өт­кі­зуге дайындық жайы тал­қы­ланды. Бұдан бөлек, халық­аралық күн тәр­­тібіндегі мәсе­лелер, соның ішінде Украи­на­дағы жағдай жөнінде пікір алмасылды. Мемлекет басшысы Қазақ­стан үшін қызығушылық тудыратын халықаралық аренадағы өзекті мәселелер талқыланатын кез­десуді Кеңес мүшелерімен тұ­рақты өткізіп тұрудың маңыз­дылығын атап өтті.