Қазір «Standart Рetroleum & Со» компаниясы қуаты 2 млн тонна болатын мұнай өңдеу жобасын жүргізіп жатыр.
«Жоспар бойынша 260 мың тонна бензин, 500 мың тонна дизель отынын өңдеу көзделген. Белгілі болғандай, «Standart Рetroleum & Со» компаниясы көмірден синтетикалық мұнай шығару және одан әрі мұнай өнімдерін алу арқылы қуаты 100 мың тонна болатын жобаны жүзеге асыруда. Аталған жоба 2023 жылы аяқталады», дейді Үкімет отырысында Энергетика министрі Мағзұм Мырзағалиев.
Үкімет отырысында белгілі болғандай, Шымкент зауытында 2022 жылы мұнай өндіру көлемін 800 мың тоннаға, Ақтау битум зауытында битум өндіру блогын жаңғырту арқылы өндіріс қуатын жылына 50 мың тоннаға дейін ұлғайту жоспарлануда.
