Кеше Almaty Arena спорт кешенінде спартакиаданың ресми ашылу салтанаты өтті. Іс-шараға Мәдениет және спорт вице-министрі Серік Жарасбаев, Алматы қаласы спорт басқармасының басшысы Рүстем Байсейітов және ҰОК Спорт дирекциясының директоры Елсияр Қанағатов қатысты.
Спартакиада қатысушылары спорттың 14 түрі бойынша өзара бақ сынасуда. Атап айтқанда, биатлон, керлинг, конькимен жүгіру, мәнерлеп сырғанау, шорт-трек, шайбалы хоккей (ерлер және әйелдер), тау шаңғысы, аралас шаңғы, шаңғымен секіру, сноуборд, фристайл-могул және фристайл акробатика. Жарысқа 14 облыс пен Нұр-Сұлтан, Алматы, Шымкент қалаларынан 1400-ге жуық спортшы қатысуда. Спартакиада 27 желтоқсанда өз мәресіне жетеді.
