«Менің компаниямдағы қазақстандық боксшы Жәнібек Әлімханұлы келесі жылдың басында орта салмақтағы WBO ұйымының чемпиондық белбеуін сарапқа салады. Ол – орта салмақтың әлемдегі ең үздік боксшысы» деп жазды Арум өзінің әлеуметтік желідегі парақшасында.
Бұған дейін Бүкіләлемдік бокс ұйымы (WBO) отандасымызды осы салмақтағы WBO чемпионы америкалық Деметриус Андрадеге (31-0, 19 KO) міндетті үміткер қарсылас еткен болатын. Екі тарап бір мәмілеге келу үшін аталған ұйым келіссөздерге 20 күн берген еді. Бірақ екі жақ бір шешімге келе алмаған соң, жекпе-жек бәс саудаға шығарылды. Ол 15 қаңтарда өтеді.
