Нұрлан Ноғаев жиналғандарға Мемлекет басшысы Қасым-Жомарт Тоқаевтың тапсырмасы бойынша сұйытылған газ бағасын белгілеуге қатысты Үкімет қабылдаған шараларды түсіндірді.
Үкімет сұйытылған мұнай газының бағасын реттеу жөніндегі шаралар пакетін іске асыратын болады. Өңір басшысы бизнестің әлеуметтік жауапкершілігі аясында газ құнын литріне 120 теңгеден 85-90 теңгеге дейін төмендету туралы шешім қабылдағанын хабарлады.
«Баға дәліздерін белгілеу және газ бағасының алыпсатарлық жүйемен өсуіне жол бермеу арқылы ұзақ мерзімді баға тұрақтылығын қамтамасыз ету бойынша жүйелі шаралар жүзеге асырылады», деді Нұрлан Ноғаев кездесу барысында.
