Ақпараттар ағыны

● Үкіметтің резерві биыл 45 млрд. теңгеге көбейтіледі. Эконо­мика және бюджеттік жоспарлау ми­нистрі Ерболат Досаевтың айтуын­ша, ол 2014 жылға арналған рес­публикалық бюджеттің түсімдері 6 206,1 млрд. теңге көлемінде немесе бекітілген 5 773,7 млрд. теңгелік бюджетпен салыстырғанда 431,7 млрд. теңгеге өсуімен айқындалған. ● Арқалық қаласында жол­дар­ды қайта жасауға 170 млн. теңге бө­лініп отыр. Қала әкімі Ғазиз Бек­мұ­хамедовтің баяндауынша, рес­пуб­лика моноқалалар тізіміне енген елді мекенде қазірге дейін «Алю­минстрой» және «Тазарту-Арқалық» серік­тестіктері 49,7 млн. теңгеге кө­шелердің табандарын ағымдағы жөндеуден өткізген. ● Қызылорда облыстық проку­ратурасы 10 кәсіпорын­ның жалақы бойынша қарыз­дарын өтеуіне себепкер болды. Қаңтар және ақпан айларында прокурорлық әрекет ету шаралары барысында осы еңбек мекемелері 4311 қызметкерге 482,2 млн. теңге көлеміндегі жалақыларын қайтарды. Олардың арасында «Қызылорда Авто Транс» ЖШС, «Импреза С.п.А.» АҚ секілді ірі компаниялар бар. ● Оңтүстік өлкеде биыл да Нау­рыз мерекесі тоғыз күнге созыл­ғалы отыр. Облыс әкімі Асқар Мыр­захметовтің бастамасымен қол­ға алынған той шаралары тағы атау­лы күндер негізінде өтіп, жалпы­халықтық мерекенің мән-мазмұнын ашуға қызмет етпекші. «Наурыз халқымыздың көнеден келе жатқан Наурызнама дәстүрін заманауи үлгіде қайта жаңғыртуға бағытталады», – делінген баспасөз баянында. ● Белгілі кинорежиссер Ер­мек Тұр­сыновтың жаңа фильмі про­­катқа шығады. Алдағы 20 нау­­рыз күні тұсаукесері өткізі­летін «Кемпір» атты бұл комедия Қайыр­ғали және Күлпаш есімді қос қа­рия­ның өмірлерінен сыр шертеді. Ре­жиссердің айтуынша, онда тұрпайы көріністер жоқ, оқиғалар түгелдей қазақы күлкіге құрылған. ● Ақмола облысының тілдерді дамыту басқармасын жаңа басшысы басқарады. Бұл тізгінді қол­ға алған 31 жастағы Арман Бер­далин есімді саясаттанушы маман ең­бек жолын бұқаралық ақпарат құрал­дарында бастап, тілдерді дамыту саласына ойысқан. Ал 2010 жыл­ғы қыркүйектен М.Жұмабаев атын­дағы Ақмола облыстық әмбебап кітап­ханасында директор болған. BNews.kz, Nur,kz, Egemen.kz хабарлары бойынша дайындалды.