Ақтөбеде жағдай ушығып тұр

Облыста күні кеше ғана эпидемиологиялық жағдайдың ушыққаны нақтыланды. Бүгінде өңір «қызыл» аймаққа кірген облыстардың қатарында.

«Тәулік ішінде 323 адамның коронавирус дертіне шалдыққаны белгілі болды. Оның 197-і вирустың симптомды түрімен ауырған. Ақтөбе қаласынан бөлек, Алға, Мәртөк, Мұғалжар, Темір, Ойыл, Хромтау, Шалқар аудандарында да дертке шалдыққандар аз емес», делінген Ақтөбе облыстық санитарлық-эпидемиологиялық бақылау департаментінің баспасөз қызметі таратқан хабарламада.