Алматы қалалық департаменті құрылыс краны құлап қайтыс болған 49 жастағы краншының өліміне қатысты тергеу басталғанын мәлімдеді.
ҚР Қылмыстық кодексінің 277-бабының 2-бөлігі («Абайсызда адам өліміне әкеп соқтырған тау-кен жұмыстарын немесе құрылыс жұмыстарын жүргізу кезінде қауіпсіздік ережелерін бұзу») бойынша тергеу амалдары жүргізілуде. Сот-медициналық сараптама тағайындалды.
Алматы қаласы әкімдігінің баспасөз қызметі оқиғаның 23 қаңтар күні сағат 10:40-та Әуезов ауданындағы көшеде болғанын растады.
Оқиға «NAVOI 3.0» тұрғын үй кешенінің құрылыс алаңында болған.
