Теннис • 24 Қаңтар, 2022

Қазақстандық теннисші Анна Данилина ширек финалға жолдама алды

51 рет көрсетілді

Теннистен Аустралия ашық чемпио­натының жұптық бәсекесінде өнер көрсетіп жатқан қазақстандық Анна Данилина турнирдің ширек финалына жолдама алды.

Данилина бразилиялық Беатрис Ад­дад Майямен бірге үшінші айналым­да испаниялық Алена Большова мен нор­вегиялық Ульрикке Эйкеримен шеберлік байқасты. Испаниялық-норвегиялық жұп бірінші партияда 6:4 есебімен басымдық танытқанымен, екінші сетте Беатрис пен Анна 6:3 есебімен есе қайтарды. Үшінші, ше­шуші партияда қазақстандық-бразилиялық жұп 1:4 есебімен жеңіліп жатып, таразы басын теңестіре білді. Содан кейін тай-брейкте жеңісті жұлып алды – 7:6 (10:5). Енді Анна мен Беатрис жартылай финалға шығу үшін швециялық Ребекка Петерсон – ресейлік Анастасия Потаповамен ойнайды.

Сондай-ақ осы турнирдің жасөспірімдер арасындағы бәсекесінде сынға түсіп жатқан қазақстандық Максим Батютенко жарысты сәтті бастады. Теміртау қаласының тумасы бастапқы кездесуін ұлыбританиялық Мэттью Ранкинмен өткізіп, екі сетте 6:4, 6:3 есебімен жеңіске жетті. М.Батютенко екінші айналымда франциялық Артур Хеа немесе литвалық Эдас Бутвиластың бірімен кездеседі.

Соңғы жаңалықтар

Алматыда троллейбус өртенді

Оқиға • 24 Маусым, 2022

Ұқсас жаңалықтар