Аймақтар • 26 Қаңтар, 2022

Алматы облысында полиция қызметкері қамауға алынды

116 рет көрсетілді

Алматы облысында жол апатын жасаған полиция қызметкері қамауға алынды, деп хабарлайды Egemen.kz.

Жол-көлік оқиғасы салдарынан 20 жастағы жолаушы ауруханада көз жұмды.

Облыстық Полиция департаментінің баспасөз қызметі мәлім еткендей, оқиға 23 қаңтар күні Алматы-Талғар жолының 12-ші шақырымында орын алды.

«Тойота Прадо» және «Хонда Стрим» маркалы автокөліктердің апаты бойынша ҚР ҚК 345 бабының 3 бөлігі және қылмыстық кодекстің 347 бабына сәйкес іс қозғалып, тергеу жүргізілуде.

Оқиға салдарынан «Хонда Стрим» көлігінің жүргізушісі және жолаушысы түрлі дене жарақатымен Алматы қаласындағы облыстық ауруханаға жеткізілді. Бірвқ 20 жастағы жолаушы ауруханада көз жұмды.

«Тойота Прадо» көлігінің жүргізушісі оқиға орнынан қашып кеткені анықталды. Көп ұзамай полиция қызметкерлері күдіктінің орналасқан жерін анықтап, қолға түсірді.

«Тексеріс барысында көлікті ішкі істер органында қызмет атқаратын ер адам жүргізгені анықталды. Облыстық полиция департаменті қызметтік тексеріс жүргізіп, қылмыскер 24  қаңтар күні жұмыстан қуылды. Қазір барлық сараптама тағайындалып, тергеу жұмыстары жүріп жатыр», деп түйіндеді облыстық Полиция департаментінің баспасөз қызметі.

Соңғы жаңалықтар

Жібектің жарқын жеңісі

Спорт • Бүгін, 08:37

Үнді қыздары озды

Спорт • Бүгін, 08:35

Шипагерлік баянның берері мол

Қазақстан • Бүгін, 08:33

Ұқсас жаңалықтар