Falcon 9 зымыран тасығышы Флоридадан 2015 жылдың ақпан айында АҚШ-тың Ұлттық Мұхиттық және атмосфералық басқармасына ауа райы спутнигін жіберу миссиясы аясында ұшырылды. Алайда, ұзақ уақыт бойы жанған қозғалтқыштардың бірі істен шығып кеткені анықталды.
«Мұндай жағдайда зымыранды Жердің атмосферасына қайтару үшін отын жеткіліксіз, оған қоса, Жер - Ай жүйесінің ауырлық аймағына түсу үшін энергия да жетіспеді. Сондықтан, 2015 жылдың ақпан айынан бастап зымыран біршама ретсіз траекториямен қозғалып келеді», деп түсіндірді метеоролог Эрик Бергер.
Жерге жақын денелерді, астероидтарды, кіші планеталар мен кометаларды бақылау бағдарламалық жасақтамасын жазған маман Билл Грей Falcon 9 зымыранының сатысы 4 наурызда айдың артына жетуі мүмкін дейді.
«Менің білуімше, бұл Айға ғарыш қоқысының байқаусызда құлауының алғашқы жағдайы», деп қосты Грей.
Осыған қарамастан, басқа сарапшылар соқтығысу ғылым үшін құнды мәліметтер бере алады деп санайды. Метеоролог Эрик Бергер бұл оқиға «зымыранның соққысы нәтижесінде лақтырылған жер асты материалын» байқауға мүмкіндік беретініне сенімді.
