«Мен елді жан-жақты жаңғыртудың ауқымды күн тәртібін ұсындым. Nur Otan оны іске асыруға белсене араласып, Қазақстанның прогрессивті өзгерістері мен жаңаруының нағыз қозғаушы күші болуға тиіс», деді Президент.
Ол күн тәртібіне келесі басымдықтарды ұсынды.
«Алда мынадай басымдықтарға баса назар аудару міндеті тұр. Біріншісі – партия қатарындағы ынтымақтастықты нығайту, қоғамның барлық сындарлы күштерін біріктіру. Партия қатарына әр түрлі қоғамдық-саяси топтардың өкілдерін, отандастарының сеніміне ие нағыз көшбасшыларды белсендірек тарту керек. Өкінішке орай, біз партияда мұндай адамдардың жеткіліксіз екенін көрдік. Партия мемлекеттік органдардың жұмысын көшірмеуге тиіс. Мемлекеттік аппараттың функциялары бір, партияның функциялары мүлдем басқа. Nur Otan негізінен идеологиялық және кадрлық жұмыстармен айналысуы тиіс, қажет болған жағдайда – мемлекеттік аппараттың жұмысын жолдауға тиіс. Партияның одан әрі өміршеңдігі сайлау алдындағы уәделердің қандай көлемде орындалатынына байланысты екенін түсіну керек», деді Мемлекет басшысы.
