Тиісті құжат елдің заң шығарушы органының Facebook парақшасында жарияланды.
«Армения Республикасының Президенті Армен Саркисянның өкілеттігі тоқтатылды деп саналсын», делінген хаттамада.
Еске сала кетсек, Саркисян 23 қаңтарда отставкаға кеткенін мәлімдеді.
Армен Саркисян Арменияның Президенті лауазымына 2018 жылы сайланды. 2015 жылғы конституциялық реформалардан кейін ел парламенттік басқару формасына көшті. Осылайша, Президенттің өкілеттіктері тек өкілдік болып табылады, оны Парламент жеті жыл мерзімге сайлайды.
Республика Президентінің кезектен тыс сайлауы бос орын ашылғаннан кейін 25 күннен ерте емес және 35 күннен кешіктірілмей өткізіледі.
Сайлауға дейін Президент міндеттерін парламент спикері атқаратын болады.
