«Үлкен дулыға» санатындағы ірі жарыста Меруерт Кәукеева мен Юлия Игнатченко өз жұмыстарын мінсіз атқарып шықты. М.Кәукеева қыздар арасында жұптық сындағы соңғы бәсекеге төрелік етсе, Ю.Игнатченко бозбалалар арасындағы жекелей сында қазылық жасады. Меруерт пен Юлия 2020 жылы әйелдер арасында ең білікті төрешілер қатарында WTA командасына қосылды. Өткен жылы Токио Олимпиадасына, сондай-ақ Аустралия ашық чемпионатына, «Ролан Гаррос» және «Уимблдон» сынды үш «Үлкен дулыға» турниріне төреші ретінде қатысты.
