Аймақтар • 21 Наурыз, 2022

Жүннен жасалған бұйымдар көрме-жәрмеңке төрін жайнатты

65 рет көрсетілді

Кеншілер астанасындағы «Сән» колледжінің ұстазы Гүл­бар­шын Матниязова мен оның шәкірттерінің қолынан шық­қан ұлттық нақыштағы костюмдер, зергерлік бұйымдар, байпақтар, сондай-ақ жүннен жасалған орындық төсеніштері белгілі бір ортада жоғары сұранысқа ие.

Таяуда Қарағанды облыстық бейнелеу өнері музейінде Нау­рыз мерекесіне арнап ұйым­дас­тырыл­ған «Ұлт өнерін ұлық­тау­шы» көрме-жәрмең­кесінде осы бұйымдар төрден орын алды.

Гүлбаршын Матниязова өзінің шебер шәкірттерін орынды мақтан етеді.

– Бүгінге дейін колледжде 80 адам білім алып шықты. Олар­дың 20-сы еліміздің түпкір-түп­кірінде өз цехтарын ашқан. Кол­леджде 16 жастан 70 жасқа дейін­гі қыздар мен әйелдер оқиды. Ме­нен шеберлікті үйрен­ген 15 апа бүгінде өз ісімен айналысып, ше­бер­х­аналар ашып алған, – дейді ол.

Шебердің бір шәкірті Шынар Жүсіпова киіз басу кәсібін мең­геріп жүр екен. Қазірдің өзінде ол шеберлігін шыңдап, ұлттық өнерді кейінгі жастарға үйрете алатын дәрежеге жетіпті.

– Гүлбаршын Мат­ниязова­ның әдістемесі бойынша бұл іспен 2020 жылдан  айналыса бас­тадым. Мұндай іске ең алдымен қа­­­­жыр­­­лы еңбек пен шабыт керек. Әр жұ­­мыстың өзіндік қиын­дық­та­ры бар ғой: кейде бұйым­ды тү­ні бо­йы көз ілмей  жасайтын кез­­де­рім болады, – дейді жас ісмер.

Шынар көрмеге бірнеше жұмы­сын әкеліпті. Соның бірі – қызғылт түсті шапан. Шебер­дің айтуынша, көктемді, күн мен Наурызды бейнелейтін бұ­йым­ды «Көңіл күй түсі» деп те атауға болады екен.

Қазіргі уақытта педагог-психолог мамандығын меңгерген Шынар ерекше қажеттіліктері бар балалармен жұмыс істейді.

– Жас ұрпақты өз өнеріме үйретемін. Мен балалар ою-өр­нектің не екенін, мән-мағы­на­сын және онымен қалай жұмыс істеу керектігін білгенін қалаймын. Өз білімім мен шеберлігімді соларға жеткізгім келеді, – дейді Ш.Жүсіпова.

«Ұлт өнерін ұлықтаушы» көрме-жәрмеңкесінің ашылу сал­танатында «Сән» кол­леджі­нің студенттері дизай­нерлердің киім­дерін көрсетті. Дефилеге бо­л­а­шақ модельер-конструктор­лар және дизайнерлер атсалыс­ты.

Жалпы, көрмеге келушілер өз­деріне ұнаған бұйымдарды сатып алып, Наурыз мерекесі қар­­саңында өздеріне және жа­қын­дарына сыйлық жасай алады. Ал мамандар жүннен жасалған бұ­йым­дарды жылдың кез келген мезгілінде киіп жүру­ге болатынын айтады.

 

ҚАРАҒАНДЫ

Соңғы жаңалықтар

Цифрландыру – өзекті мәселе

Үкімет • Бүгін, 00:49

БҰҰ-ның Жаһандық шартына қосылды

Экономика • Бүгін, 00:34

Жеті түрлі сөз

Әдебиет • Кеше

Елорда күніне тарту

Театр • Кеше

Ұқсас жаңалықтар