Еліміздің бірінші ракеткасы Елена Рыбакина алғашқы кезеңде бос болып, екіншісінде румыниялық Елена-Габриэла Руседен айласын асырды – 6:4, 7:5. Юлия Путинцева тұсаукесер кездесуінде германиялық Настасия-Мариана Шункті шаң қаптырып кетті – 4:6, 6:3, 6:1. Келесі айналымда ол украиналық Леся Цуренконы ұтты – 6:3, 4:6, 7:5. Ерлер арасындағы Қазақстанның ең үздік ойыншысы Александр Бублик те жарысты екінші кезеңнен бастап, колумбиялық Даниель-Элай Галанды қапы қалдырды – 6:7, 6:3, 6:4. Турнирдің алғашқы күні нидерландтық Ботик ван де Зандсхулпты 6:4, 6:4 есебімен оңай еңсерген Михаил Кукушкин іле-шала америкалық Тейлор Фрицпен күш сынасты. АТР рейтингінде 13-орында тұрған 23 жастағы АҚШ теннисшісіне жерлесіміздің әлі жетпеді – 3:6, 7:5, 3:6.
Кеше үшінші кезең ойындары басталды.
