Медицина • 17 Мамыр, 2022

Pfizer екпесінің 500 мыңнан астам дозасы сатып алынады

23 рет көрсетілді

Өңірлерде коронавирусқа қарсы вакцинаның 4 миллионнан астам дозасы қалған. Бұл жайында ҚР Денсаулық сақтау министрлігінің баспасөз қызметі мәлім етті, деп хабарлайды Egemen.kz.

Коронавиурс инфекциясының ел аумағында таралуына жол бермес үшін 2022 жылы 3,5 млн доза вакцина сатып алынған (Sinopharm – 2 млн, QazVac – 1,5 млн доза). Оның ішінде өңірлерге 2,9 млн доза жөнелтілген. Сондай-ақ, бірыңғай дистрибьютордың қоймасында 594 мың доза сақтаулы тұр. Осының бәрін ескерсек, қазір өңірлерде QazVac, Комирнати, CoronaVac, Sinopharm, Hayat екпелерінің 4,1 миллионнан астам дозасы қалған», деп жазылған ведомствоның ҚазАқпарат сауалына жолдаған жауабында.

Министрліктің баспасөз қызметінің ақпараты бойынша, өңірлерге «Спутник Лайт» вакцинасының 150 мың дозасы ақысыз негізде жолданған.

«Сонымен қатар, ВАК-тың 27 сәуірдегі қаулысы бойынша жыл аяғына дейін вакциналауға жататын халықтың 75 пайызын екпемен қамтамасыз ету үшін «Комирнати» екпесінің 500 мың дозасын және QazVac вакцинасының 1 млн дозасын сатып алу көзделген», деп жазылған жауапта.

Аяна Тоғанбек

Соңғы жаңалықтар

ТүркПА-ның атауы өзгереді

Парламент • Кеше

Алматы жолдарын су басты

Аймақтар • Кеше

Ұқсас жаңалықтар