Жаңарған Қазақстанда Президент айтқандай, саяси жүйе түбегейлі өзгеруге тиіс. Бұл – Қазақстан жұртшылығының талап-тілегінен туып отырғаны ақиқат. Ал оны жүзеге асыру үшін еліміздің Конституциясы, яғни Ата Заңымызға елеулі өзгерістер енгізілуі – заман талабы.
Қазақстанда конституциялық реформа жасау үшін білікті заңгерлер мен ғалымдар, саясаткер мамандар тобынан құралған сарапшылар іске кірісті. Соның нәтижесінде Негізгі Заңымызға көптеген өзгеріс енгізіледі. Осыған орай елімізде конституциялық реформа жүзеге асып, бүкілхалықтық референдум өткізілетін болды. Ал оған респубика жұртшылығы бір кісідей атсалысып, белсенділік танытулары тиіс.
Президент Қасым-Жомарт Тоқаевтың Конституцияға өзгертулер енгізуге орай референдум өткізу туралы ұсынысы Ата Заңымыздың жаңаша сипатқа ие болатындығын көрсетеді. Бұл – еліміздің тағдыры үшін жаңа қадам, айрықша мәнге ие. Бұл – дамудың жаңа әрі тарихи кезеңі. Сондықтан елімізде санаулы күндерден кейін өтетін бүкілхалықтық референдумға түгел қатысып, Жаңа және Әділетті Қазақстанды құруға баршамыз атсалысайық. Бұл халқымыздың жарқын болашағы үшін керек.
Саясат БЕЙІСБАЙ,
Философия, саясаттану және дінтану институтының бас сарапшысы