Футбол • 20 Мамыр, 2022

Еуропа лигасының жеңімпазы анықталды

43 рет көрсетілді

Кеше Испанияның Севилья қаласын­дағы «Рамон Санчес Писхуан» стадионында өткен Еуропа лигасының финалында Германияның «Айнтрахты» мен Шотландияның «Рейнджерсі» кездесті.

Матчтың негізгі уақыты мен қосымша таймы 1:1 есебімен тең аяқталып, жеңімпаз команда кездесу соңындағы пенальти сериясында анықталды. Бес мүмкіндіктің барлығын тиімді пайдаланған Франкфурт командасы 5:4 есебімен жеңіске жетіп, Еуропа лигасының жеңімпазы атанды. Глазголықтардан Аарон Рэмзи 11 метрлік айып добын орындауда мүлт кетті. Ойындағы алғашқы голды «Рейнджерс» футболшысы Джо Арибо салса, неміс командасы сапынан Рафаэль Борре мергендігімен көзге түсті.

Осылайша, Франкфурт қаласының бас­ты командасы өз тарихында екінші рет Еурокубок турнирінде топ жарды. «Айнтрахт» бұған дейін 1979-1980 жылғы маусымда УЕФА Кубогын иеленген еді.

Соңғы жаңалықтар

Алматыда троллейбус өртенді

Оқиға • 24 Маусым, 2022

Ұқсас жаңалықтар