Оқиға • 22 Мамыр, 2022

Автобуста оқушы қызға тиіскен күдікті 10 тәулікке қамалды

22 рет көрсетілді

Елордада автобуста оқушы қызға тиіскен күдікті 10 тәулікке қамауға алынды, деп хабарлайды Egemen.kz. Бұл туралы қалалық Полиция департаментінің баспасөз қызметінен мәлім болды.

«2022 жылдың 19 мамыры күні сағат 20:12-де «Сарыарқа» аудандық полиция басқармасына қоғамдық көлікте кәмелеттік жасқа толмаған қызға тиіскен белгісіз ер адамға қатысты шара қолдану туралы шағым түсті. Осыдан кейін полиция аталған адамды ұстау бойынша шұғыл шара қабылдады. Іздестіру жұмыстары барысында ол ұсталып, қамауға алынды», делінген таратылған хабарламада.

Полиция мәліметіне қарағанда, күдікке ілінген аталған 33 жастағы ер адамға қатысты әкімшілік іс қозғалды.

«Мамандандырылған ауданаралық әкімшілік соттың шешімімен құқық бұзған тұрғын 10 тәулікке қамауға алынды», деп аталып өткен.

Аяна Тоғанбек

 

Соңғы жаңалықтар

Бүгін - Ұлттық домбыра күні

Қазақстан • Бүгін, 08:50

Ұқсас жаңалықтар