Білім • 01 Маусым, 2022

50 жеңімпаз білім грантына ие болды

328 рет
көрсетілді
2 мин
оқу үшін

Қазақстандық оқушылар алғаш рет Дүниежүзілік гимназиада-2022 додасына қатысып, жақсы нәтиже көрсетті. Білім және ғылым минис­тр­лігі жарыс жеңімпаздарына білім гранттарын табыстады. Енді олар өз­дері таңдаған жоғары оқу орнына Ұлттық бірыңғай тестілеу сынағын тапсырмай-ақ түседі.

50 жеңімпаз білім грантына ие болды

Биылғы Дүниежүзілік гимназиа­дада оқушыларымыз Францияның Нормандия қаласында әлемнің 70-тен аса елінен келген жасөспірімдермен бәсекелесті. Қазақ­стан құрамасында 234 спортшы өнер көрсетті. Олар бас­кетбол, бокс, еркін кү­рес, әйелдер күресі, грек-рим күресі, дзю­до, жеңіл атлетика, үстел теннисі, жүзу және басқа да спорттың 18 түрінен сын­ға түсті.

Әлемдік аренада топ жарғандарға Білім және ғылым министрі Асхат Ай­ма­ғам­бетов бағалы сыйлықтар беріп, 50 жеңім­пазға білім гранты тағайында­ла­тынын айтты.

«Мен баршаңызды тарихи жеңіс­теріңіз­бен құттықтаймын! Сондай-ақ оқу­­шы­ларымыздың жат­тық­тыру­шы­лары мен ата-аналарына әлемдік аренада осындай жоғары жетістіктерге же­туде қолдау көр­сеткені үшін ал­­ғыс айтқым келеді. Пре­зидент Қасым-Жомарт Тоқаевтың Қа­зақ­стан хал­қы­на Жолдауында берген тапсырмасы бойынша заңнамаға өзгерістер енгізілді. Бұдан былай беделді ха­лық­аралық пәндік олимпиадалардың, спорт­тық жарыстардың және әлем­дік деңгейдегі шығармашылық байқаулардың жеңім­паздары мен жүлдегерлері ҰБТ тапсырмай-ақ ЖОО-ға бейінді бағыттар бойынша грантқа түсуге мүмкіндік алды. Күні кеше бұйрыққа қол қойылды және енді гимназиаданың 50 жеңімпазы, яғни мектепті биыл бітіріп отырған түлектер өз мамандығы бойынша жо­­ғары оқу орындарында білім алу үшін грантқа ие болады», деді салтанатты жиында сөз алған ведомство басшысы.

Министрлік жеңімпаздар мен жүлде­гер­лерді білім гранттарынан бөлек ұялы теле­фондар, смарт-сағаттар, ноутбук­тер, пауэр-банктер секілді баға­лы сый­лық­тар­мен, ал үздіктердің ұстаз­да­ры мен жат­­тықтырушыларын Алғысхаттармен марапаттады.