Соның бірі – Гаухар Бұзаубекова. Ол осында ашылған №80 референдум учаскесінде таңғы сағат 7:00-де алғашқы болып өз таңдауын жасады. Перзентханадағы референдум комиссиясы оған бала күтіміне арналған жиынтықты сыйға тартты.
Ол – бүгін сағат 00:00-ден таңғы 7:00-ге дейін бес бұрымдыны өмірге әкелген ананың бірі. Тоғыз жылдан соң 3-інші сәбиін босанған.
Перзентханада тұңғышын өмірге әкелген Кәмшат Қайратова да дауыс берді.
«Мен бүгін дәрігерлердің көмегімен тұңғышымды босандым. Дәл бүгін, елімізде отандастарым тарихи таңдауын жасайтын ең елеулі күні өмірге келген тұңғышымның болашағы жарқын боларына сенемін», дейді Кәмшат Қайратова.
