Айы-күні таяу Галина Битлян суға батып бара жатқан баланы құтқарды

Ақсу қаласы аумағына қарасты Евгеньевка ауылының 22 жастағы тұрғыны Галина Битлянның айтуынша, олар күнделікті әдеттерімен кіш­кентай ұлы екеуі өзен жаға­сында серуендеп жүріпті. Сол сәтте үлкендердің қара­уынсыз ойнап жүрген екі баланы байқап қалады. Біраз уақыттан кейін жағалауда қалған бір баланы көреді. Екінші бала мұз үстінде секіріп ойнамақ болып тұрғанда, кенеттен су астына түсіп кеткенін көреді. Жұқа мұздың жарылып кеткені анық. Екі баланың да қатты шошығандарынан тіпті айқайлауға дауыстары шықпайды. Ал, Галинаның сәбиін дүниеге әкелуіне бір-ақ апта уақыт қалған-ды. Ойланып тұруға уақыт жоқ. Галина мұздай суық суға түсіп, баланы жағаға қарай сүйреп алып шығады. Сол екі арада көмекке жағалауда жүргендер де жүгіре жетеді. Құтқарушыларды, жедел жәрдемді шақырады. Жедел жәрдем 8 жасар Мак­сим­ді де, аяғы ауыр Галинаны да ауруханаға шұғыл түрде алып кетеді. Жуырда облыс­тық тө­тенше жағдайлар депар­­та­менті Галина Битлян­ды қай­сарлық пен ерлік көр­сеткені үшін «Ерлігі үшін» ме­да­ліне ұсы­нылғанын хабарлады. Фарида БЫҚАЙ, «Егемен Қазақстан». Павлодар облысы.