Референдум-2022 • 07 Маусым, 2022

Заң шығару үдерісінен тыс қалмайды

43 рет көрсетілді

«Ауыл» халықтық-демократиялық патриоттық партиясының төрағасы, сенатор Әли Бектаев елімізде 27 жылдан кейін өткен жалпыхалықтық референдум қорытындысына байланысты мәлімдеме жасады.

БАҚ өкілдерімен кездесу барысында ол конституциялық реформаларды талқылау ісіне атсалысып, өзгерістерді қолдап, еліміз үшін демократиялық даму жолын таңдаған партияластарына алғысын білдірді.

«Біз үшін дамудың жалғыз ғана жолы бар. Ол – демо­к­ра­тиялық жол. Тек демо­кра­тиялық жүйеде ғана қоғамның әрбір мүшесі мемлекеттік саясатты қалыптастыруда тең құқыққа ие бола алады. Кешегі референдум арқылы барша Қазақстан халқы осы жолды таңдады деп білемін. Конституцияға енгізілген өзгерістерді ең алдымен адам құқын қорғау тұр­ғысында ілгері қадам деп қабыл­даймыз. Аталған өзгерістер еліміздегі әрбір азаматтың мүд­десіне қызмет етіп, Әділетті Қазақстанды қалыптастырудың негізі болмақ.

Ең бастысы, мемлекет бас­қару жүйесінде демократия­лық принциптерге басымдық бе­ріл­мек. Жоғары заң шығару­шы және жер­гілікті өкілетті органдардың, яғни мәжіліс пен мәслихаттардың құзыреті күшей­тіледі. Сол арқылы қарапа­йым тұрғындардың мемлекет басқару тетіктеріне ықпалы артады.

Референдумның нәтижесінде еліміздің Негізгі Заңы реформаланды. Алдымызда қоғамды ірге­лі өзгерістер күтіп тұр. Бұл оңай жол емес. Ата Заңы­мызға енгізілген сол өзгеріс­тер­дің игілігін көру үшін елі­міз­­дің әрбір азаматы саналы қадам жасап, салиқалы қо­ғам қа­лыптастыруға атсалысуы керек», деген ол «Ауыл» пат­­риоттық партиясының 5 мау­­­сымда өткен жалпыұлттық рефе­­рен­думның нәтижесін толық құптайтынын айтты.

Партияның 700-ден ас­там мүшесі, аймақтардағы белсен­ділері референдум барысын бақылау ісіне атсалысып, дауыс беру учаскелерінде пар­тияның атынан өкілдік еткен. Ә.Бектаев мәлімдемесінде «Ауыл» партиясының өкіл­дері болған учаскелерде ешқан­дай заң бұзушылықтың тір­кел­мегенін хабарлады. «Сон­дықтан «Ауыл» партиясы жалпыұлттық референдумның ұйымдастырылуы мен өткізі­лу барысының Қазақстан заң­дарына толық сай болғандығын мәлімдейді», деді сөз соңында партия төрағасы.

Сондай-ақ Әли Бектаев «Ауыл» партиясының белсен­ділері Мәжіліс деңгейінде болатын талқылаулардан тыс қалмайтынын, заң шығару про­цесінде өз ойлары мен ұтымды ұсыныстарын ұдайы айтып отыратынын жеткізді.

Соңғы жаңалықтар

Астанада «Вaitursynuly.kz» сайтының тұсаукесері өтті

Ахмет Байтұрсынұлы • 03 Ақпан, 2023

Ұқсас жаңалықтар