«Қазақстан Республикасындағы сайлау туралы» Конституциялық заңның 10-бабының 3-тармағына және «Қазақстан Республикасының әкімшілік-аумақтық құрылысының кейбір мәселелері туралы» 2022 жылғы 3 мамырдағы №887 Президенттің Жарлығына сәйкес, Орталық сайлау комиссиясы №48/507, №48/508, №48/509, №48/510 қаулылары арқылы Абай, Жетісу, Ұлытау облыстарының, сондай-ақ Абай облысы Ақсуат ауданының және Шығыс Қазақстан облысы Самар ауданының аумақтық сайлау комиссияларын құрды.
Осылайша жаңадан құрылып отырған 5 сайлау комиссиясын есепке алғанда, еліміздің сайлау жүйесінде 239 аумақтық сайлау комиссиясы жұмыс істеуде.
