Ең өкініштісі, сары құрлықтың басты додасында біздің таэквондошыларға бас жүлде бұйырмады. Ондай мүмкіндік жерлестеріміздің арасынан тек 74 кило салмақта сынға түскен Жансел Денизде ғана болды. Дүниежүзілік Универсиада мен Азия ойындары және бірқатар аса ірі халықаралық жарыста жеңіс тұғырына көтерілген Жансел аталған чемпионаттың жартылай финалында Ливан спортшысына сан соқтырғанымен, финалда Иранның таэквондошысына есе жіберіп, күміс медальды мойнына ілді.
Бапкерлер Чхунчхонда Нұрлан Мырзабаев (80 кило) пен Смайыл Дүйсебайға (87 кило) айрықша сенім артқан болатын. Бірақ сақа спортшылар жартылай финалда сүрініп, қола жүлдені қанағат тұтты. Сондай-ақ Рита Бәкішева (46 кило), Ботагөз Қапанова (49 кило), Жасурбек Исраилов (58 кило), Әділет Базарбаев (63 кило) және Нұрай Құсайынова (67 кило) дәл сол межеден көрінді.
