Ауа райы • 01 Шілде, 2022

Синоптиктер 1 шілдеге арналған ауа райын болжады

164 рет
көрсетілді
1 мин
оқу үшін

Бүгін Абай облысының батысында төтенше өрт қаупі сақталады, деп хабарлайды Egemen.kz «Қазгидромет» РМК-ға сілтеме жасап.

Синоптиктер 1 шілдеге арналған ауа райын болжады

Синоптиктердің айтуынша, бүгін Қызылорда облысының басым бөлігінде де төтенше өрт қаупі болуы мүмкін.

«1 шілде, күндіз Батыс Қазақстан облысының солтүстік-батысында найзағай, бұршақ, дауыл күтіледі. Жел оңтүстік-батыстан, оңтүстіктен соғады, күндіз облыстың солтүстік-батысында екпіні – 15-20 м/с.

Павлодар облысының солтүстігінде, батысында батыстан, солтүстік-батыстан жел соғады, екпіні 15-20 м/с күтіледі. Облыстың орталығында, оңтүстігінде төтенше өрт қаупі сақталады.

Қарағанды облысындағы ауа райы да осы секілді, солтүстігінде, шығысында солтүстік-батыстан жел соғады, екпіні 15-20 м/с күтіледі. Облыстың оңтүстік-шығысында төтенше өрт қаупі сақталады», делінген хабарламада.

Синоптиктер болжағандай, 1-2 шілде күндері түнде және таңертең Солтүстік Қазақстан облысының батысында тұман болады. Солтүстік-батыстан жел соғады, бүгін облыстың солтүстігінде, шығысында күші - 15-20 м/с, күндіз екпіні - 25 м/с. Ал ертең жел күндіз облыстың шығысында екпіні 15-20 м/с күтіледі.

Түркістан облысының таулы аудандарында солтүстік-шығыстан жел соғады, күші - 15-20 м/с. Облыстың солтүстігінде, шөлді аудандарында төтенше өрт қауіпі сақталады.

Айта кетсек, Қызылорда облысының Жалағаш, Арал, Шиелі, Қазалы және Қармақшы аудандарында, Маңғыстау облысының Бейнеу және Маңғыстау аудандарында, Атырау облысының Махамбет, Жылыой, Құрманғазы және Балықшы аудандарында 2022 жылғы шілде айының бірінші онкүндігінде атмосфералық құрғақшылық күтілуде.