![Теңіз кен орнында өзіне қол жұмсаған жұмысшының денесі табылды](/media/2022/07/06/53b83423-105b-46a9-aaf1-317488781d00.webp)
Бұл деректі облыстық полиция департаментінің баспасөз қызметі растады.
Теңіз кен орнына қарасты «Сенімді құрылыс» ЖШС жұмысшысы 5 шілдеде түнгі мезгілде өзіне қол жұмсағаны анықталды.
«Біздің компанияға мердігер кәсіпорын – «Сенімді құрылыс» ЖШС қызметкерлерінің бірі тіршілік белгілерінсіз табылғаны туралы хабар берілді. Бұл туралы тиісті мемлекеттік органдарға дер кезінде хабарланды», деп мәлімдеді «Теңізшевройл» ЖШС-нің баспасөз қызметі.
Түнгі ауысымға шығып, жұмыс орнында асылып қалған жұмысшының жасы 28-де еді. Оның денесін бірге жұмыс істейтін әріптестері тауып алған. Жұмысшының өзіне қол жұмсауына не себеп болғаны әзірге белгісіз.
Облыстық полиция департаментінің баспасөз қызметінен мәлім еткендей, аталған дерекке байланысты тексеру мен тергеу амалдары басталды.