Комитет «Атамекен» ҰКП-мен бірлесіп, ҚҚС-ты жеңілдетілген тәртіппен қайтаруы бойынша пилоттық жобаны іске қосты.
Жобаның мақсаты «Ауыл шаруашылығы тауарын өндіруші – элеватор – экспорттаушы» қағидаты бойынша ауыл шаруашылығы тауарын өндіруші мен экспорттаушы арасындағы көптеген делдалдар мен алыпсатарларды қысқарту.
Мұндай тізбек ең алдымен экспорттаушылардың өздері үшін ыңғайлы. Ережелер тек ерікті сипатты және міндетті емес. Кез-келген компания оған қосыла алады.
Пилоттық жоба қатысушының таңдауы бойынша екі нұсқада жүзеге асады:
1) банктік кепілдік бойынша 15 жұмыс күні ішінде камералдық бақылаусыз;
2) банктік кепілдік болмаған жағдайда 100 күнтізбелік күн ішінде ҚҚС қайтаруды көздейді.
Жалпы белгіленген тәртіппен ҚҚС 55 жұмыс күні ішінде (тұрақты экспорттаушылар үшін) және 155 күнтізбелік күн ішінде қайтарылады.
Пилоттық жоба аясында астықтың қадағалануы іске асырылды:
1) астықты өндіру, сақтау объектілерін және астықтың өмірлік циклін есепке алу.
2) «алқаптан шекараға дейін» астықтың бақылануы.
Ол үшін «Qoldau» ақпараттық жүйесінде «астық айналымы бойынша операцияларды есепке алу үшін AstyqQoima виртуалды астық қоймасы» модулі әзірленді:
- себу, вегетация, жинау ғарыш түсірілімдері арқылы.
- ЭШФ, электрондық астық қолхаттары арқылы тасымалдау, сақтау, сатып алу-сату.
Екі экспорттаушымен 2022 жылдың 1 тоқсанында 15 млн теңге мөлшеріндегі ҚҚС сомасына қайтару талабы ұсынылды. Нәтижесінде көрсетілген сома 30 күнтізбелік күн ішінде қайтарылды. 2022 жылдың 2 тоқсанында пилоттық жоба шеңберінде ҚҚС сомасын қайтаруға қойылатын талаптар ұсынылады деп күтілуде.
