Екібастұзда жол апатынан жүргізуші көз жұмды

Облыстық полиция департаменті баспасөз қызметінің мәліметінше, 31 шілде күні сағат 20:30-да  «ВАЗ-21099» және «Hyundai Tucson» маркалы автокөліктер соқтығысқан.  

«Салдарынан «ВАЗ-21099» автокөлігінің 29 жастағы жүргізушісі алған жарақатынан ауруханада көз жұмды», деді өңірлік полиция департаменті өкілдері.

Автокөліктер айып тұрағына қойылып, тексеру жүргізілуде.

Аталған фактіге қатысты сараптама тағайындалды.