Белгісіз біреулер Венесуэла президентінің оққағарын атып өлтірді

АСТАНА. 6 мамыр. Белгісіз біреулер Венесуэла президенті Николас Мадуроның  жеке оққағарын атып өлтірген. Бұл туралы ИТАР-ТАСС хабарлады. Венесуэланың Бас прокуратурасы аталмыш оқиғаға байланысты тергеу амалдарының жүріп жатқанын мәлімдеді. Алдын ала деректерге қарағанда, лейтенант Марко Кортес өз автокөлігімен жол үстінде келе жатқан. Сол кезде жеңіл мәшине мінген бәзбіреулер оған тақалып келіп, оқ жаудырған көрінеді. «EI Universal» газетінің ақпары бойынша, М.Кортес соңғы алты жыл бойы президенттің жеке күзетінде қызмет еткен. Демек, ол Н.Мадуроның алдында У.Чавестің де оққағары болған. Өткен аптада Венесуэла астанасында ұлттық барлау қызметнің бұрынғы басшысы оққа ұшты. Оның денесі қаланың түбінен табылған болатын. Айдар Өрісбаев. Дереккөз: Itar-tass.com. Фото: EPA.