«Ауға» балық емес, браконьерлер түсті

Теңіздегі тыйым салынған байлықтарды заңсыз аулайтындар заң алдында жауапты. Солай бола тұ­ра, оңай олжа іздегендер қарасы әлі үзілді дей алмай­мыз. Мамырдың мерекелі күн­де­­ріндегі жаймашуақ демалыс­та осындай кәсіппен 12 азамат ұс­талған. «Жағалау күзеті» өңір­­­­лік басқармасының теңіз шека­рашылары ұстаған бра­ко­нь­ерлердің барлығы да Қазақстан Республикасының азаматтары. Шекарашылар теңіз үстіндегі олжақұмарларды күнделікті әске­ри қызмет барысында бра­конь­ерлік қызметтің жолын кесу, су ресурстарын қорғау, сон­дай-ақ «Бекіре-2014» кең ауқым­ды балық қорғау акциясы аясын­да қолға түсірген. Олардан «Ка­занка» типті моторлы 4 қайық тәркі­ленген және 29 000 метр ау, 13 500 метр қармақ тапқан. Ау мен қармақтың жалпы саны 6 750 дана. Табылған 306 бекіренің 26-сы тірі, 280-і өлі күйінде болған және бұдан басқа бір центнерге жуық балық пен 18 өлі итбалық тәркіленіпті. Заң бұзғандар енді заңға сай жауапкершілікке тартылатын болады. Гүлайым ШЫНТЕМІРҚЫЗЫ, «Егемен Қазақстан». Маңғыстау облысы.