Құрметті отандастар!

Баршаңызды Отан қор­ғаушы кү­ні мен Ұлы Отан соғы­сы­ның Жеңіспен аяқтал­ға­ны­на 69 жыл толу ме­ре­кесімен шын жүректен құттықтаймыз! Шуақты көктем күндерінде қатар аталып өтетін қос мерекенің тәуелсіз Қазақстан азаматтары үшін алатын орны ерекше. Отан қорғаушы күні – бейбіт күнде ел тыныштығын қорғаған азаматтарымыздың мерекесі болса, Жеңіс күні – халқымызды фашист басқыншыларынан қорғап қалған қаһарман жауынгерлердің ерлігіне тағзым ететін ұлы мейрам. Біз әлемді фашизмнен азат ету үшін соғысқан батыр бабаларымыздың алдында мәңгі қарыздармыз. Қазақстандық жауынгерлер шешуші шайқастарға қатысып, ерліктің ерен үлгілерін көрсетті. Тылдағы халық та жан аямай еңбек етіп, Жеңіс күнін жақындата түсті. Осы кезеңдердің тарихы мәңгілік халық жадында. Ұлы Жеңіс үшін болған күрес хал­қы­мыздың бүгінгі ауызбіршілігі мен тыныш­тығын қызғыштай қорғап, сақтап қалуға зор аманат жүктейді. Елбасы, «Нұр Отан» партиясының Төра­ғасы Нұрсұлтан Назарбаев Қазақстан хал­қы Ас­сам­блеясының XXI сессиясында «Біз Ұлы Отан соғысына қатысқан барлық қа­зақ­стандық батырлардың аты-жөндерін біліп, оларды құрметтеуге міндеттіміз», деп атап өтті. Отан үшін отқа түскен, Ұлы Жеңіс үшін тыл майданында аянбай еңбек еткен ар­да­гер­лерімізді ардақтау – баршамыздың азаматтық борышымыз, өскелең ұрпаққа көрсетер үлгі-өнеге. Құрметті майдангерлер мен тыл ардагерлері! Сіздерге шын жүректен зор денсаулық, мол бақыт, дендеріңізге саулық, отбасы­лары­ңызға амандық тілейміз! «Нұр Отан» партиясының  Саяси кеңесі.