Қоғам • 19 Тамыз, 2022

Көпбалалы отбасыларға – 198,7 млрд теңге

36 рет көрсетілді

Жыл басынан бері көпбалалы отбасыларға берілетін мемлекеттік жәр­демақы төлемдерімен орта есеппен жалпы сомасы 198,7 млрд теңгеге 501,2 мың отбасы қамтылды, оның ішінде шілде айында жәр­дема­қының осы түрін жалпы сомасы 28,6 млрд теңгені 501,2 мың отбасы алды.

Бұл мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.

Төлем мөлшері бала санына қарай есептеліп төленеді. Көпбалалы отбасыларындағы 4 балаға – 50 975 теңге, 5 балаға – 63 727 теңге, 6 балаға – 76 479 теңге, 7 балаға – 89 231 теңге, 8 балаға – 101 760 теңге, 9 балаға – 114 480 теңге, 10 балаға – 127 200 теңге, 11 балаға – 139 920 теңге, 12 балаға – 152 640 теңге, 13 балаға – 165 360 теңге, 14 балаға – 178 080 теңге, 15 балаға – 190 800 теңге, 16 балаға – 203 520 теңге немесе әр балаға 12 720 теңге төленеді.

Еске салайық, көпбалалы отба­сы­ларға олардың табысын есепке алмай берілетін мем­лекеттік жәрдемақы Қазақ­станда 2020 жыл­дың 1 қаң­тарынан бастап атаулы әлеу­мет­тік көмек көрсетудің жаңа тетік­терінде көзделген табысы аз және көпбалалы отбасыларды қолдаудың үш негізгі бағыты аясында енгізілген.

Соңғы жаңалықтар

Жапонияда жер сілкінді

Әлем • Бүгін, 10:22

Ұқсас жаңалықтар