Танк орнын босататын болды

«Егемен Қазақстан» газетінің  2013 жылғы 24 қаңтардағы №16 санында басылымымыздың Павлодар облысы бойынша меншікті тілшісі Фарида Бықайдың  «Тұрғындар аң-таң...» атауымен шағын мақаласы жарық көрген болатын. Осыған орай Павлодар облысы әкімдігінен жауап келді. Онда былай делінеді: «Мақа­­ла бойынша Ертіс ауданы әкім­­ді­гінен ақпарат беруді талап еттік. Газетте көтерілген мәселеге қатысты Ертіс ауданы әкімдігі мынадай анықтама жолдады: «2013 жылы Ертіс ауылының ор­талық алаңы мен аллеясын жаң­ғырту бойынша жобалық-сме­талық құжаттама әзірленді. Аудан­ның  орталық алаңы мен аллея­сын жаңғырту бойынша жина­лыс өтті. Бұл жиналысқа  жер­гі­лікті атқарушы билік өкіл­дері, аудандық мәслихат депутаттары, Ертіс ауданының құрметті азаматтары, зейнеткер­лер қа­тысты. Жиналыста «Ленин ескерткішін көшіру туралы» ше­шім қа­былданған. Қазіргі таңда Ленин ескерткішінің  орнына БМП (танк) орнатылған. Бұл танк әкімдік алдына уақытша қойыл­ғ­ан. Қазіргі таңда БМП-ның ор­нына Қажымұқан немесе «Бәй­терек» ескерткішін орна­ту бойын­ша қаржыландыру мәселесі шешіліп жатыр».