Ақмола облысы ІІД баспасөз қызметінің мәліметінше, 4 қыркүйек күні сағат 13:05 шамасында Көкшетау-Рузаевка тасжолының 25-шақырымында жол-көлік оқиғасы болды.
Оқиға салдарынан Ваз2106 және Лада Калина көліктерінің жүргізушілері алған жарақаттарынан оқиға орнында көз жұмды. Лада Калина көлігінің екі жолаушысы түрлі жарақатпен жергілікті ауруханаға жатқызылды.
«Аталған факті бойынша ҚР ҚК 4-бөлігіне сай сотқа дейінгі тергеу басталды. ҚР Қылмыстық кодексінің 345 бабы бойынша қылмыстық іс қозғалды», деп толықтырды ведомство.
