Аймақтарда шаруаларға арналған шағын мұнай базалары ашылуы мүмкін

«Біз қазір ойланып жатырмыз. Мүмкін мұны облыстық мұнай базалары деңгейінде жасайтын шығармыз. Қазір әкімдіктермен жұмыс істеп жатырмыз, бәлкім, шағын мұнай базаларын құруға болар», деді министр.

Ол сондай-ақ малшыларға дизель отынын субсидиялау мүмкін емес деген мәселеге қатысты пікір білдірді. Оның айтуынша, бұл мәселемен Ауыл шаруашылығы министрлігі айналысуы керек. Содан кейін ғана Энергетика министрлігі жөнелтетін жеңілдетілген отынға сұранысты қалыптастырады.