«Қазақстан барысы»: Павлодар облысы

Павлодар облысында да «Қазақстан барысына» іріктеу кезеңінің үшінші айналымы аяқталды. Бұл туралы egemen.kz тілшісі хабарлады. Бұл жолы финалдық белдесуге жолдаманы Дархан Жоламанов пен қазақ күресінен талантты жастардың бірі Батырхан Жүнісов жеңіп алды. Ал өткен жылы финалға қатысқан Самир Мамедов облыстық сында үшінші орын алып, биылғы додаға қатысу құқынан айырылды. Биыл Павлодар облысы да «Қазақстан барысы» турнирінің іріктеу кезеңдері жоғары деңгейде өткізді. Оған үш кезең бойынша өткен жарыстардың жүлде қорының өзі дәлел бола алады. Онда бас бәйгені жеңіп алған балуанға 700 000 теңге, екінші орынға  400 000 теңге, үшінші  орынға  200 000 теңге табыс етілді. Жалпы, жүлде қоры 1 300 000 теңгені құрады. Осы турнирде Дархан Жоламанов пен Самир Мамедовтің финалға жолдама беретін күресі өте қызықты және тартысты өтті. Дархан Жоламанов, лақап аты - «Асау» Бойы:  179 см. Салмағы:  103 кг. Туған жылы:  1986 жыл. Спорттық атағы:  қазақ күресінен спорт шебері. Жаттықтырушылары: Нұрлыбек Ермағанбетов пен Мейрам Хамзин. Батырхан Жүнісов, лақап аты - «Тұлпар» Бойы: 173 см. Салмағы:  90 кг. Туған жылы:  1993 жыл. Жаттықтырушысы: Серік Досымханов. Дастан Кенжалин. Дереккөз. «Қазақстан барысы» қазақ күресін дамыту қорының баспасөз қызметі. Фото:  «Қазақстан барысы» қазақ күресін дамыту қорының баспасөз қызметі. Суретте: солдан оңға қарай Дархан Жоламанов, Батырхан Жүнісов, Самир Мамедов.