Съезге Ресейден Патриарх Кирилл қатысуы керек еді, алайда оның орнына Орыс православие шіркеуінің сыртқы байланыстарына жауапты митрополит Антоний келді. Негізі Кирилл Ресей мен Украина қақтығысын Батыспен «метафизикалық шайқас» деп атаған еді.
Ал Рим Папасы Франциск съезде сөйлеген сөзінде Ресейді де, Украинаны да ауызына алған жоқ. Бірақ ол дін көшбасшыларының өздері бейбітшілік мәдениетін насихаттауда жетекшілік ету қажет екенін айтты. «Егер дін жолындағы адамдар бейбітшілікке халықты шақырмаса, онда олардан мұны күтпесін, екіжүзді болмаңдар» деп дін өкілдеріне ескерту жасады.
