Пікір • 23 Қыркүйек, 2022

Болашаққа жасалған нық қадам

68 рет көрсетілді

Алдағы президент сайлауы – конституциялық реформаның заңды жалғасы. Ата Заңымыздың шамамен үштен бірі жаңартылды. Осылайша Президент жариялаған саяси трансформацияны жүзеге асыру басталды. Сондықтан бұл саяси институттарды қайта іске қосу үшін кезектен тыс президент, парламент және мәслихат сайлауын өткізу қажет.

Екінші жағынан, күрделі геосая­си жағдайда Қазақстан қоғамына ел дамуының нақты стратегиялық бағытын көрсету керек. Бұл тұрғы­да сайлаудың маңызы ерекше. Бірін­ші­ден, сайлау Қазақстан халқын, аза­маттық қоғамды демократиялық қайта құру идеясының төңірегінде біріктіреді. Кәмелетке толған әрбір азамат үшін сайлау – саясатты қа­лып­тастыруға қатысу құқығын жү­зеге асыру, сондай-ақ белсенді аза­маттық ұстанымды көрсету мүм­кін­дігі.

Екіншіден, саяси бірлестіктер мен олардың жетекшілері ұлттық ауқымда елдің дамуы туралы өз көзқарасын ұсынуға, барша халықтың өмірін жақ­сар­тудың идеялары мен тетіктерін талқылауға мүмкіндік алады. Белсенді қоғамдық бірлестіктерге стандартты емес тұжырымдамаларды, жаңа тә­сіл­дер мен шешімдер ұсы­ну­дың сәті келді.

Сайып келгенде, дәл қазір сайлау бізге Әділетті Қазақстанды құру жолында саяси институттар мен рә­сім­дерді демократиялық түр­лен­ді­ру­дің бағытын белгілеуге жол ашып отыр. Негізгі саяси институттар апробация­дан сайлау арқылы өтеді.

Осылайша, алдағы сайлау саяси реформаларды дәйекті жүзеге асыру ғана емес, сонымен қатар қазіргі күрделі тарихи кезеңде қоғамды топтастыру және билік инс­титуттарының беделін жаңарту мүм­кін­дігіне айналып отыр.

 

Гүлмира ТҰҚАНОВА,

Президент жанындағы ҚСЗИ аға ғылыми қызметкері

Соңғы жаңалықтар

Еліміздің 3 өңірінде қар жауады

Ауа райы • Бүгін, 17:20

Астанада жылу беріле бастады

Елорда • Бүгін, 17:00

Доллар бағамы өсті

Қаржы • Бүгін, 15:52

Ұқсас жаңалықтар