![Оқу-ағарту министрлігі Бірыңғай байланыс орталығын іске қосты](/media/2022/09/26/crop-15_2_515x773_200201133438715e.jpg)
Өңірлік білім басқармалары Бірыңғай байланыс орталығына екінші желі арқылы қосылған. Жергілікті атқарушы органдардың құзыретіне жататын мәселелер оны шешу үшін бірден білім басқармаларына жіберіледі. Бүгінде байланыс орталығына 1 200-ден астам қоңырау түскен.
«Көбінесе азаматтарды балабақшадан орын алу үшін кезекке қалай тұру керегі қызықтырады. Бұл мәселе бойынша түсіндірме жұмыстарын жергілікті атқарушы органдардың өкілдері жүргізеді. Сондай-ақ ең өзекті тақырыптар білім туралы құжаттарды қалпына келтіру, мектептегі тамақтандыру мәселесі, балаларды бір мектептен екіншісіне ауыстыруға қатысты», деп жазды ведомствоның баспасөз қызметі.