Алматыдағы жаңа арт-галерея

Отыз жылдан астам уақыт әлеуметтік саланың тұрақты даму стратегиясын жүзеге асырып келе жатқан Anadolu Efes Group әлемдік мәдениет пен өнердің де жанашыры. Ол әрдайым қолдаудан, шабыт беруден, жаңа мүмкіндіктер іздеу жолынан жаңылған емес, себебі мәдениетті қолдау негізінде қоғамды ағарту міндетін де арқалап, оның әлеу­меттік салаға әсерін арттыруға тырысып келеді. Сол себепті Art & creative Solutions қоғамдық қорымен бірлесе отырып, кескіндеме мәдениетін қолдайтын және барлық тілек білдірушілер үшін мүлде жаңа арт-экспириенс ұсынатын жобаны ұйымдастыруды қолға алды.

Жағымды жаңалықтан ертерек құ­лағ­дар болып, Алматы қаласының ор­та­­лығында жеке көрмесін өткізгісі кел­­ген суретшілер мен талантты өнер қай­­­­раткерлері бір ай бойы өз өті­нім­­де­рін жіберіп, қатысуға ниет біл­дірді. Мұқият іріктеуден кейін кәсіби қазы­лар алқасы әлеуметтік, техникалық, тұжы­рымдамалық және эстетикалық талап негізінде төрт жобаны таңдап алды.

Жаңа ашылған Арт-галереяда заманауи суретші Станислав Агапитов, Hvoya арт-қоғамдастығының өкілдері Екатерина Дмитриева мен Александра Шамсутдинова, өнер қайраткері Диас-Әли Қасымов және мүмкіндігі шек­теу­лі жандар ұйымдарының өкілдері, психолог, суретші Елена Сережечкина мен «Действие Буквально» театрының суретшісі әрі актрисасы Рената Маше­кенова өз туындыларымен таныс­тыру­дың мүмкіндігін тапты.

Бастаманың мақсаты – өнер сала­сындағы қызықты идеяларға қолдау көр­сету және жас таланттардың өзін, өнерін дәлелдеуіне мүмкіндік беру.

Арт-галерея алғашқы жобасын «I need the night» деген атаумен Стас Ага­пи­товтың жұмыстарын таныс­тыру­дан бастады. «Алматыда көрме ұйым­дас­тыруды бұрыннан армандайтын едім, тағдыр мені Эфэс-пен жолықтырды. Әр суретші үшін өзін және өнерін көрсету маңызды. Efes art space бізге жаңа жол, жаңа мүмкіндіктер ашады және қол­дау көрсетеді», деді Стас Агапитов көрменің ашылу рәсімінде.

Ұйымдастырушылардың пікірінше, арт-кеңістік елімізде жаңа есім, жас таланттарды таныстыруда таптырмас орынға айналады. Көрменің есігі әр­қашан ашық және тамашалауға келген әр адамның эстетикалық нәр алуы үшін қолайлы ахуал қалыптастыра алады.

«Efes Art Space ұйымының идеясы – бұл көпшілікті Қазақстанда жа­сал­ған рухани өніммен мақтан етуге ынталандырудың тағы бір тәсілі. Біз үшін дарынды жастарды біріктіру дәс­түрін жалғастыру өте маңызды. Біз мұнда шығармашылық кездесулер, тұсау­кесерлер, конференциялар, сурет­шілер басқосуы және басқа да іс-ша­ралар өткізуді жоспарлап отырмыз. Компания тұрақты даму стратегиясы аясында өнерді қолдай отырып, сүйікті қаламызға шығармашылықпен, жасампаздықпен таңдандыратын және шабыт сыйлайтын ерекше тарту жасау туралы осындай шешім қабылданды», дейді маркетинг департаментінің директоры Зейнеп Эркан Альп.

Сондай-ақ Efes Kazakhstan компа­ния­сы өнермен және шығармашылық­пен бай­ланысын арттыруда алтын көпір іспетті Efes Art Space Award сый­лы­ғын та­ға­йындау туралы да шешім қабыл­да­ды. Көр­мелер жыл соңына дейін өткізу жо­с­пар­ланған, соңыра халықтық дауыс беру негізінде ең жақсы көрме таңдалып, авторы бағалы сыйлықпен марапатталады.

Efes Kazakhstan компаниясының бұл тәжірибесі талантты бола тұра, тар шең­берде таныла алмай жүрген көркем, му­зыка және театр өнеріндегі жарқын есім­дер мен жобаларды қолдауда өзге ха­лықаралық компанияларға да үлгі көрсетіп отыр.

 

АЛМАТЫ